Ngabayangkeun Bule nu Tataranjang di Sagara

oleh Yoga HimaPercuy pada 05 Mei 2011 jam 1:26

Sagara Anak
Dok. Pribadi
Tiis ceuli herang panon, kitu rarasaan kuring barang tepi ka ieu tempat nu dingaranan Sagara Anak. Nyaeta, Kaldera Gunung Rinjani nu ayeuna jadi situ. Leuwih badag tibatan Situ Ciburuy nu aya di Padalarang. Badagna aya kana sapuluh kalieun Situ Ciburuy.

Di jero Sagara Anak aya Gunung leutik nu ngaluarkeun haseup-belerang meni mulek, ilaharna ieu gunung disebut Anak Gunung Rinjani. Disebut Anak Gunung Rinjani sabab ayana sanggeus Gunung Rinjani nu kawahna badag mang ablag-ablag bitu.

Haseup bodas ngeusi ieu sagara, kuring nulis bari hulang heleng, bingung naon nu kudu kukuring tepikeun kanu maca. Ah, ieu mah hayang we nulis alatan tempatna pikareueuseun jeung pikanineungeun.

Tangkal pinus, manuk baceo, monyet gugulantungan, maturan kuring nulis. Katambah ieu batu badag namprak jadi dudukan kuring luha-lehe ngetik.Teuing naon ah nu kudu diketik cek keng ge.

Mun rek ka Sagara Anak, nyabak caina nu hejo ngemplak. Urang kudu tuturubun turun. Sabab sagara baheulana urut kawah Gunung Rinjani. Tangtuna mun hayang nyabak cai kudu tuturubun turun ka handap. Kitu oge kuring. Barudak; Chepong, Ijot jeung Anin mah geus ti heula turun ka Sagara. Meureun ayeuna mah geus tepi kahandap, nyabak cai, mandi tuluy mancing.

Ai kuring mah didieu heula we, lebar ieu suasana moal bisa kabeuli mun geus aya di Bandung. Da Sagara Anak mah ngan aya didieu hiji-hijina. Moal aya tempat nu persis mirip kieu jeung ngarana Sagara Anak deuih di Bandung mah. Hehe

Di tukangeun kuring kadenge aya sora jelema ngomong, tangtuna maranehna baris ngudag kaendahan cai Sagara di handap. Didenge-denge ngomongna basa inggris tea. Ah moal salah deui, ieu mah bule atawa nu ilahar ku urang local disebut wisatawan asing. Teuing ti mana datangna, meureun ti ostrali, jerman, prancis atawa nu sejena. Tapi asa moal mungkin ai orang prancis atawa jerman mah. Pan manehna cadu ngomong di luar kudu ku basa inggris, gengsi atuh sarua eropa, baheulana sarua boga taneuh jajahan.

Pantes basa tadi kuring di pusat informasi Gunung Rinjani panggih jeung bule urang Prancis manehna teu pati bisaeun basa Inggris. Kakara nyambung ngomong nalika ku urang local diajak ngomong basa Prancis, nyaeta basa manehna.

Tuh nya bener cek urang dieu. Halimun (kabut) bakal turun ka Rinjani sakitar jam salapanan. Ayeuna geus jam salapan, halimun turun mawa tiis hawa. Lain kapaksa kuring kudu dijeket, ieu mah meh haneut we. Ngetik deui we ah da ayeuna geus dijeket geus teu pati tiris teuing.

Ih aya bule keur popotoan di tukangeun kuring bari ngomong “Amazing”. Bulena awewe diaping ku hiji budak local. Subhanalloh, eta budak local meni paseh baceo basa bule. Ah kuring kaelehkeun padahal ti SMP keneh tepika kuliah diajarkeun basa Inggris. Budak local eta, teuing nyakola kawas kuring teuing henteu, teung tepika SMA, teung tepika kuliah diajarna, teuing henteu.

Ari stelanana mah ciga urang Cidadap, teu gaya-gaya acan. Baju kuleuheu, kulit coklat caludih jeung teu make sapatu deuih kadieuna ge, make senal capit. Haha

Eta bule nu duaan tea, awewe deuih geus indit ti tukangeun kuring. Mudah-mudahan ke di sagara kuring meunang rizki. Da ceuk beja sok aya bule nu tataranjang nalika ngojay di sagara. Cik hayang ningali sarua teu bobogaana jeung urang sunda. Atawa liangna leuwih badag ti urang sunda? Ah teuing. Susuna kumaha nya, buyakyek atawa peungkeur? Ah teuing, ke we urang tingali. Hanting-hanting susulumputan urang poto maranehna lamun keur tataranjang.


*1 Mei 2011 M, Tebing Segara Anak

2 comments

Popular posts from this blog

Info Jalan-jalan ke Gunung Hawu

Info Jalan-jalan ke Gunung Semeru (Rute Kendaraan)

Di Pinggir Jalan, Jalan Braga

Reforma Agraria atau Reformasi Agraria?

Instagram @yogazaraandritra